Ինչպես գիտական բնույթի միջոցառումների (գիտաժողովներ, քննարկումներ, սեմինարներ գիտության ու հարակից ոլորտների ներկայացուցիչների հետ), այնպես էլ հասարակությանը գիտությանը մոտեցնելուն միտված միջոցառումների կազմակերպում և անցկացում,

«Գիտությանը մոտ» խորագրով դասընթաց-քննարկումների անցկացում և՛ ինստիտուտում, և՛ այլ ԲՈՒՀ-երում։ Այս դասընթացները նախատեսվում են բաց, ազատ մուտքի տարբերակով, անցկացվելու են ամեն շաբաթ՝ լաբի անդամներից մեկի կամ մի քանիսի կողմից։ Նախատեսվում է նաև ժամանակ առ ժամանակ հրավիրված մասնագետների միջոցով իրականացնել փորձի փոխանակում և նոր տեսական գիտելիքների փոխանցում։ Դասընթացների ընթացքում Լաբ-ի անդամները մասնակիցների հետ կիսվելու են իրենց տեսական ու փորձնական գիտելիքներով որևէ կոնկրետ թեմայի շրջանակներում, որը կազմակերպվելու է ինտերակտիվ ձևով, որըլինելու է նաև մատչելի գիտության ոլորտին չպատկանող մասնակիցների համար։

Ինստիտուտի գործունեության հետ առնչվող տարբեր կազմակերպությունների հետ արտաքին կապերի հաստատում և դրանց արմատավորում։ Արտաքին կապերը, սակայն չեն սահմանափակվում միայն ՀՀ տարածքում գործող պետական ու ոչ պետական կազմակերպություններով։ Դրանք վերաբերվում են նաև միջազգային կառույցների և ուսումնական հաստատությունների հետ համագործակցության հաստատմում՝ ընդհուպ մինչև փոխադարձ այցելություններ, համատեղ հետազոտությունների ու գիտաժողովների անցկացում։

Ակտիվ մասնակցություն պետական և ոչ պետական կազմակերպությունների կողմից իրականացվող տարբեր դրամաշնորհային ծրագրերի և մրցույթների։ ԼԱԲ-ի հիմնական նպատակներից է ինստիտուտում գիտական բաղադրիչի հզորացումը և եղած ներուժի ճիշտ օգտագործումը՝ առավել խոսուն, տեսանելի և կիրառական գիտական արդյունք ստանալու նպատակով։

Ստեղծել համապատասխան վերապատրաստումների միջավայր, ըստ որի ոչ ՏԻ անդամները և/կամ ասպիրանտները շահագրգռված կլինեն մասնակցել ՏԻ կողմից կազմակերպվող վերապատրաստումներին և սեմինարներին։

Հանրայնացնել ՏԻ վարկանիշն այնպես, որը հնարավորություն կստեծի առավել մեծաքանակ ասպիրանտներ/հայցորներ ներգրավելու։