Մերի Գագիկի Մանուչարյանը՝ տնտեսագիտության թեկնածու, դոցենտ, ՀՀ ԳԱԱ Տնտեսագիտության ինստիտուտի տնօրենն է։ Հանդիսանում է Ինստիտուտի «Տնտեսության իրական հատվածի հիմնախնդիրներ» գիտական ուղղության ղեկավար, Ինստիտուտի գիտական խորհրդի անդամ, «Սոցիալ-տնտեսական զարգացման արդի հիմնախնդիրները ՀՀ-ում» գիտական հոդվածների ժողովածուի խմբագրական խորհրդի անդամ (2018), «Социальные новации и социальные науки» ամսագրի խմբագրական խորհրդի անդամ (2023), «Вестник Университета мировых цивилизаций» ամսագրի խմբագրական խորհրդի անդամ (2024), Unconventional Resources (Scopus) պարբերականի հրավիրյալ խմբագիր (2024)։ Համատեղությամբ դասախոսում է ՀԱԱՀ Ագրարային էկոնոմիկայի ամբիոնում։ Հեղինակ է ավելի քան 90 գիտական աշխատությունների, այդ թվում՝ միջազգային գրախոսվող շտեմարաններում (Scopus, WoS)։ Պարբերաբար մասնակցում է հայաստանյան և արտասահմանյան գիտական միջոցառումների որպես խոսնակ, հանդես է գալիս որպես հրավիրյալ դասախոս արտերկրի համալսարաններում (Իտալիա, Հունաստան, Պորտուգալիա, Նիդեռլանդներ, ՌԴ, Վրաստան և այլն)։ Դասավանդում է մարդկային ռեսուրսների միջազգային կառավարում, վարքագծային տնտեսագիտություն, արտադրության մարքեթինգ, աշխատանքի էկոնոմիկա, ագրարային էկոնոմիկա, ջրային տնտեսության էկոնոմիկա, գիտական հետազոտությունների մեթոդաբանություն, ապահովագրական գործ, սոցիալական ապահովություն և ապահովագրություն առարկաները։ Հետազոտական հետաքրքրությունների շրջանակը ներառում է պարենային անվտանգությունը, աշխատաշուկայի հիմնախնդիրները, ագրարային ոլորտի հիմնախնդիրները, շրջանաձև տնտեսությունը, կանաչ տնտեսությունը, գյուղատնտեսության ոլորտում նորարարական զարգացման հիմնախնդիրները, թվային տնտեսության դերը ագրոպարենային համակարգում և այլն։